خخخخخخارينا Rocks!!

- يخرب بيتشك يا بت دا لانجيري!!

- حد قلك هلبسه لوحده يا روح امك، ما الكارينا اهو يخزق عين التخين!

كارينا ايه وزفت ايه بس، وحجاب ايه ونيلة ايه!!
أيوة .. الحوار ده سمعته بالحرف ف محل تكبير اللي ف سيتي ستارز!

فين؟

فالفيتينج روووووم!!

نفسي أفهم إيه الوساخة اللي بتتوغل وتنتشر دي!!

دي مش فجاجة!! دي شرمطة!!
كل واحدة ماشيالي ضاربة الفردة الشنس، وعليها الباتشي الخارينا، والخرقة الستان- أم ترتر- اللي متشمطة بيها زي الخدامين!!

إيه القرف ده!

وخارينا ايه بقي ده اللي طالعلنا ف المقدر!!
البت من دول تلاقيها تانيا حتة الباريرينا الصيني فصوابع رجلها المعفنة، وفردة دراعها أد ورك الدرفيل، واسم الله علي مقامكو بقي من تحت تسد عين السمس، إشي وراك، وإشي فخاد، والزلموكة بقي حاجة تضرب أتخن اصطباحة!!

طب يا بنتي عايزة تخريييييه فسسي روحك شويه!! انتي ماتعرفيش ان الإخراء دلوقتي اختشلف عن زمان!!

النهاردة الدكر من دول يا حبيبتي يحب الشفة المشفترة، الوسط الكامنكا، ومن فوقه بقة فردتين جنوت تيوبليس وارد لبنان، أما تحت فارمي علي ورا ومتشيليش فنفسك أبدا!!

هي البنات عايزة ايه بالظبط؟

دا ايه التشيسوتينيا دي!!

دا بقي حجاب واللا تظبيط؟

غلابي وعايزين يتستروا!!

وهو مين اللي قال ان خارينا بيستر!
واللا الخرقة دي أصلا حجاب!
يا تري بقي المجتمع اللي كله معرصين علي محجبين هو اللي خلاها تعمل كدة؟؟

سيبك من ميتين أم المجتمع، انتي بقي مش قرفانة من نفسك يا روح امك بوشك ده اللي طفح عليه علبة مكياج تايواني، واللا جلدك اللي مدهون بزفت وأطران فوق دماغ اللي خلفوكي!

يا تهديهم، يا تنفخهم يا رب!!

حدوتة ملتوتة. بتوجع ساعات. و اللعب علي المشاعر هي أوطي طريقة. لما تترفعي سابع سما و بعدين يجيبك علي جدور رقبتك. اهتمام اهتمام اهتمام و انتي خايفة تسلمي و أول ما تسلمي و تبتدي تطمني و تطنتقي بأي اهتمام علي دماغك تاخدي...و يتقالك غلطتك.عامة الأمان مش حضن راجل. الأمان هو حضنك و انك انتي تبقي انتي من غير مكياج و تعرفي تواجهي كل الدنيا و تديهم بالجزمة. عشان يوم ما تقعي في واحد منهم و تتعبي كله هيديكي ضهره و يكت. إقوي علي الضعف.صدقي قلبك و ما تبعيش نفسك رخيص وما تبرريش عمايل سودة من باب الحوجة! و لو علي الإحتياج فكلنا محتاجين

نفسي أفهم يعني إيه شحط عنده 35 سنة ساحب أمه و جاي يخطب بنت عندها 20سنة!!

"أصل أنا عايز أربيها علي إيديا"

. حد قالك إنها ناقصة تربية يا ابن الكلب! إيه الصلافة دي! تربي إيه مش لما تتربي إنت الأول و تبطل الأفكار الوسخة دي! أمه بقة ست تخييينة و تبصلك البصة تجيبك من فوقك لتحتك. الأحساس بأنك بضااااعة!

" و إنتي يا حبيبتي بتعرفي تطبخي إيه؟"

"مانجة باللوز".

وهي بقة أصلا صاحبة القرار مش سيد الرجالة اللي معاها لو عجبت المزة أمه هيشيل! شالوه علي نقالة مكسورة! لأ و الأخ مهندس يعني محسوب علي اللي بيفهموا كده أونطة!

" انتي علي طول شعرك كده؟"

" أه"

" مش قضية كده كده هتقصية هيبقي أحلي، مش كده يا ماما؟"

لو اللي زي سياتك كده نالوا مرادهم هتلاقي ان البنت دي في الأخر هتلبسك خازوق يطلع من نافوخ أمك..قولوا أمين!

الوسخة دي أمي!!

*

مش لازم أبدأ حكاياتي بالترتيب يعني، إكمن فيه حدوته صغيرة كدة جاية علي بالي جامد بقالها كام يوم!

واحد عرص عندو 26 سنة، كان ولهان بشكل يرضي غرور أي مريلة، مينزلش من زمتي بقملة، بس قلت لروحي يا بت اتفرجي وجيفيت a شوط، مين عارف يمكن ربنا ينفخ فصورته ويحول!

الواد بقي يكلمني ف اليوم 24 مرة! نفخ أمي، ويا ريته كان بيتبع سلوجان نعرف بعض الأول، لأ دا كان لسة مزنوق ف خانة هي أمي مضطهداني بالشكل ده ليه! وليه أبويا مش عايز يديني فلوس أصلح العربية زي مابيعمل مع اخواتي، وامتي بقي هيسيبوني ألعب درامز مع صحابي!

زهق اللي خلفوني، وكل ده وهو متخيل ان أنا الهيرو اللي هنشلو م الحضيض واوصله لورك الأمان!!

حاولت أتبع اسلوبي السوسي الفعال عشان ازحله:

-"بجد كان نفسي نكمل مع بعض يا بودي،- أصل احنا أصلا كنا بدأنا- بس الصراحة بقة أنا طول عمري نفسي ف راجل فيرجين، ومش هيبقي اخر صبري وصيامي اني اتجوز واحد مرشق مع بنات مصر الموحولة! دي حتي تبقي وكسة!!"

أنا قلت كدة ودا بدأ يتهته!!

"والله العظيم مالمست ولا بنت،

د انا حتي أخري مسك ايدين،

حتي البوسة الوحيدة اللي خدتها فحياتي، كانت واحدة هووور شافتني وانا بعيط ومنهار فشقة الواد رامز!"

-"وبعدين!"

"وبعدين إيه، حدفتها مالبلكونة طبعا"

شكله الصراحة كان باين مالأول إنه مش بس مالوش ف الصنف لأ ومجنون كمان. المهم فضل يخوتني بحاكاويه عن الهانم أمه اللي مطلعة ميتينو!

-"طب يابني يا حبيبي يعني هي امك هتشتمك كدة من غير سبب!!"

"أيوة من غير سبب طبعا ماهي بتكرهني أصلا.. هي دي أم دي!! طب تصدقي انها عمرها ما حضنتني!"

-"طب ما تحضنها انت!!"

" أحضنها!! انتي أصلك ما تعرفيش حاجة،

هو أنا انسي من وانا لسة ف ابتدائي لما نزلت قلعتني البنطلون ومرمطت بكرامتي الأرض قدام صحابي ف الشارع!"

أنا سمعت كدة ونزل عليا سهم الله، أنا كنت مش طايقة أهلو أساسا ونازلة سلخ فاللي جابوه من كتر ماهو حد ناجنج وزنان لأبعد حد،

بس وصلت لحد إنها تقلعه البنطلون!

أما بنت ستين كلب صحيح!!

و أنا برضه سندريلا و لو إن سندريلا دي بت هبلة و الأمير هو اللي إنتشلها من سلبيتها. بس انا مش كده بقة!!!

لا مستنية أمير ولا جزمة تيجي مقاسي!

أيونن!!! أنا اللي هعمل جزمتي بإيدي!

بقة بذمتكوا يا بشر، وانا راضية ذمتكو وش..حد فيكو شايف دكر عدل؟!! راااجل!

دي البنات في بلدنا بقت أرجل و فاهمة و واعية أكتر بكتييير!

هنا بقة هنحكيلكوا حكاويكو و حكاوينا! و طبعا أنا عارفة مقدما الهجوم...بس قشطة!!

سندريلا!!

إسمي سندريلا، عندي حاجة وعشرين سنة، مش كبيرة ولا حاجة، لكن برضه مش صغيرة، خدت من الدنيا اقلام الصلا عالنبي خلتني كتيبة محترمة، من مواليد حارة مشتهر القاهرة، بشتغل وكله تمام، بحب ربنا وعمر ماكان بيني وبين أي حد عداوة، حتي الرجالة حبايبي وعشرة قديمة، وبرغم العشرة ماعرفتش افهم، ولا حتي اتربي بعد كل الخوازييق المرشقة ف كل حكاية بدأت وخلصت وانا برضه مدهوله!!

علي فكرة ماتفهموش غلط!! حنا بنتين جامدين وكلاس بحق ربنا، متعازين يعني ولامؤاخذة، بس المشكلة بقة اننا سذاجة مفيش قبل كدة، بنفتكر ان كل واحد بيحكي عن نفسه بيقول كلام حقيقي مش فشر!
وبصراحة بقة العاطفة عندي "جياشة" بشكل يحرق الدم، واكمني مبقلش غير الصراحة فبظن الخير فكل دكر يخبط علي شكمجية قلبي، مبفهمش بقة انه حرامي ابن كلب إلا لما الاقي روحي ناقصة فص!

البلوج ده بقي مجرد محاولة للفهم، هو فعلا مافيش رسالة- أقصد رجالة! وصحيح لازم نكيف نفسنا علي كدة، ولا فيه بس عاملين بيات شتوي!! واللا كل اللي بيتنططوا دول رجالة بس انا اللي بستعبط وعايشة علي نفسي!!

أنا هحكيلكو واسترسل، وانتو أكيد هتدوسو معايا أنا وسندريلا يمكن بجد تساعدونا!!

بصراحة من كتر الرمي، والحلق والتنفيض اللي بقينا نمارسو بعنف علي خلق الله مش عارفين إذا كنا ديلوديد، واللا طلعنا تمام وبنعمل شغل ريسايكلينج بما يرضي الله واليونايتد نيشنز!!